Недалеку од Прилеп се наоѓа прекрасната градина на Видан и Валентина. На површина од 4.5 декари, Видан одгледува лешници, ореви од сортата „ченлер“, јаболки, пипер, капина, малина, а во малата стаклена градина и домат. Заштитен знак – наполно еколошки, непрскани земјоделски производи.Со мерак и љубов кон земјоделството Видан неуморно експериментира и со нови култури како маслинка, кикирики, калинка, анасон, рен кои одлично напредуваат, а неговата сопруга Валентина од сезоната 2023 започнува да произведува јуфки.