На 15 километри од Кочани, во чиста средина и без фабрики е лоцирано селото Крушка, на Осоговските планини. Тука се наоѓаат и пчеларниците на Тони Димитров, чиј мед е добитник на бројни домашни и меѓународни награди. Во основа медот е планински, а по некогаш има и ливадски, идентично вреднуван по цена од 400 денари за тегла. „Никогаш не ми останал мед од лани, се се продава“ умее да каже Димитров горд на бројката од 120 семејства на пчели во моментот. Освен мед, тој произведува и полен, перга, прополис, восок и матичен млеч.