Соња Фузевска е сертифициран производител на компир, цвекло, малинки, лешници и ореви. Од нив потоа прави различни домашни производи без никакви додатоци, на пример сокови, мармалади, слатка и желеа. Од медот прави и комбинации со лешник и орев, но секако се продава и чист. Фузевска како ресенчанка очекувано е и производител на јаболка, преку интегрален начин, а насадите се лоцирани во селото Избиште. Освен свежа, ја нуди и преку сите типови јаболкови производи. Инаку, освен споменатите, Соња прави слатка од јагоди, од цреши, од сливи, ликери од вишни, ореви (без ракија), малинки, јагоди. По порачка прави и ѓомлезе, тарана, ајвар и лутеница.