Душко Андов од кавадарчкото село Марена поседува мала винарија ЕРОС, каде произведува и продава сок од грозје , маџун и вино. Винаријата Ерос е лоцирана на самиот пат Кавадарци - Неготино. Душко произведува Маџун и Гроздов сок- уникатни производи кои се одликуваат со висока содржина на јаглени хидрати и минерали, но и висока енергетска вредност. Гроздовиот сок претставува 100% природен производ, произведен од внимателно одбрани насади, на традиционален начин, без додаток на конзерванси, шеќери и вода. Денес во палетата на винаријата се застапени осум сорти на вино од кои две квалитетни бели суви вина, Темјаника и Жилавка, квалитетно суво црвено вино Вранец и розе вино добиено од автохтоната сорта Странушина по технологија на производство на бели вина. Вкупниот капацитет на винаријата е 12.000 литри вино и 10.000 литри гроздов сок, како и одредена количина на домашно произведен маџун.